Үзсэн тоо: 514
0
0
Байгалийг мэдрэх хүүхдэд яагаад хэрэгтэй вэ?
Нийтэлсэн хэрэглэгч: admin   2017 оны 5-р сарын 10. Лхагва гариг. asdf
Та хүүхэд байхдаа уул хаданд авчирч, гол горхины эрэг дээр тоглодог байсан уу? 
Тэгвэл өнөөгийн хүүхдүүд дөрвөн хананы дунд, компьютер, телевизорын өмнө өдрийг өнгөрөөдөг боллоо. Сарлаг, тэмээгээ ч мэдэхгүй хүүхдүүд олшров. 
Байгальтай харьцахгүйн хэрээр одоогийн хүүхдүүдийн бие бялдар сул дорой, өвчинд өртөмхий болжээ. Хорхойд хоргүй шавж хараад ухаан алдан айж, зөгий соно хараад хашгирч орилж гүйлдэнэ. Гадуур нохой, мууртай таараад айснаасаа зугтаж эсвэл мод, чулуу шиднэ. Хүүхдүүд гадаа хамтдаа тоглохын оронд гэр гэртээ овоолоостой тоглоом, асаалттай зурагтны өмнө хийх юмаа олж ядна. 
“Одооны хүүхдүүд, ээ дээ хэцүү болжээ” хэмээн хөгшчүүл халаглана. Гоё тоглоомгүй ч тэд гадаа найз нартайгаа элс, чулуугаар нусаа гоожтол тоглодог байсан нь илүү сайн, сайхан санагдана.
Өнөөгийн хүүхдүүд байгальтай харьцахгүй, харьцах чадваргүй байгаа нь хүүхдийн хүслээр болсон зүйл биш ээ. Энэ нь залуу эцэг эхчүүдийн айдас, болгоомжлолтой холбоотой (Emnid судалгаа). Тодруулбал хүүхдээ бэртэж гэмтэнэ, осолдоно хэмээн болгоомжилж, хараа хяналтгүй гадаа тоглох, уул, ус руу явахыг хориглодог. Гэтэл ямар 11-тэй хөвгүүн эцэг эхийн хараа хяналт дор бусадтайгаа чөлөөтэй, зугаатай тоглож чадах вэ? 
Хүүхдүүд шар нугас, ягаан туулай зурж, үнээ хэдэн хөхтэйг ч мэдэхгүй байна. Хүүхдүүдийн ихэнх нь модонд авирч үзээгүй, хотод байдаг амьтдаас өөр зэрлэг амьтан хараагүй. 


Гэтэл байгальтай харьцах нь хүүхдэд ямар хэрэгтэй вэ? 
Хүүхэд гадаа, байгальд бусадтайгаа тоглосноор:
- Бие бялдар нь хөгжиж, эрүүлжиж, чийрэгжинэ.
- Бусадтай хамтарч, харьцаж, нийгэмшинэ.
- Мэдлэг эзэмшихээс гадна
Бие даана.
Амьтан, ургамалтай харьцаж сурна, цаашлаад
Хэл яриа нь хүртэл хөгжинө.

Хүүхдийг онгон байгальд амьдрах чадваргүй, торонд хоригдмол, бусдаас хараат, сул дорой амьтан шиг болгохгүйн тулд яах вэ?
Монгол гэлтгүй өнөөгийн хөгжил, глобалчлалыг дагаж дэлхий дахинд хаа сайгүй асуудал адил тул бусад орны цэцэрлэг, сургуулиуд болон эцэг эхчүүд энэ тал дээр их анхаарч ажиллах болжээ. Жишээлбэл Европ даяар Шведээс үүдэлтэй “Ойн цэцэрлэг”, “Ойн сургууль” гэж ихээр байх болсон. Эдгээр нь цэцэрлэгт хүрээлэн, ойн ойролцоо байрладаг.  Хүүхдүүд ойд, байгальд танин мэдэхүйн болон амьдрахуйн туршилтуудыг хийж, хоолоо хүртэл бэлдэж үүргэвчилж авч явдаг. Моддын хооронд өлгөөтэй байх дүүжин орон дээр бас унтаж амардаг аж. Ийм сургуулиуд нь хүүхэд яг байгаль дээр турших, сурах, хүүхдийн сурах, амьдрах чадвар болон бие бялдрыг хөгжүүлэх зорилготой. Үүнээс бидэнд сурах, авах зүйл их бий.  

Бид өөрсдийн нөхцөл бололцоон дээр тулгуурлан юу хийж болох вэ?
Хүүхдээ аюул осол багатай газар гадаа тоглуулж байх
Мэдээж цэцэрлэгийн насны хүүхдийг хараа хяналттайгаар гадаа тоглуулна. Сургуулийн насны хүүхдүүд тоглоомын талбай, машин замгүй байр сууцныхаа гадаа заавал эцэг эхийн хараа хяналтгүй тоглож болно. 
Гэхдээ зүлэгжүүлж, сайхан тохижуулсан тоглоомын талбай байгалийг орлохгүй гэдгийг байнга санах хэрэгтэй.
Гэр бүлээрээ аль болох салхинд гарч, зугаалж, орчныг хүүхдэдээ ярьж таниулж байх
Үүнд хүүхдийнхээ насанд тохирсон танин мэдэхүйн ном, нэвтрүүлэг, мэдээлэл ашиглаж, түүнийгээ хамтдаа байгаль дээр шинжилж, туршиж үзэх
Хүүхдээ зуслан явуулж бусад хүүхэдтэй цуг амраах
Хөдөө хамаатан садан, танил айлындаа хэдхэн хоног ч болов байлгах

Сурталчилгаа

Хэрэглэгчийн нийтлэл

 
эсээ
2019 оны 10-р сарын 16. Лхагва гариг.
tulgamdsan asuudal
2019 оны 8-р сарын 25. Ням гариг.
Maa
2019 оны 5-р сарын 3. Баасан гариг.
Maa
2019 оны 5-р сарын 3. Баасан гариг.
хоолны мөнгө
2019 оны 2-р сарын 20. Лхагва гариг.
нараа
2019 оны 1-р сарын 17. Пүрэв гариг.
Багшдаа баярлалаа
2018 оны 12-р сарын 2. Ням гариг.
цас сэдэв
2018 оны 12-р сарын 2. Ням гариг.

Хэрэглэгчийн хандалт

Онлайн хэрэглэгч 95
Өнөөдөр 2117
Өчигдөр 2346
Энэ 7 хоногт 4486
Энэ сард 36872
Өнгөрсөн сард 83863
Нийт зочилсон 5937852

Сүүлийн сэтгэгдлүүд

     
    эрдэнэзаяа
    үнэ хэд вэ
    otgoo
    standart oldohgui bn yah ve
    зочин
    3-р анги төгссөн хүүхдийн хувийн хэрэг дээр 8-р түвшинтэй төгслөө гэж ...
    Зочин
    Орхон аймгийн БСГ-ийн СӨБ -н мэргэжилтэн Тайвантуул арга барил, харилц...
    Зочин
    зочин 41-ийн саналыг дэмжлээ.Үнэн шүү, одоо элсэлт эхлэх гээд хэдэн эр...