Үзсэн тоо: 318
0
0
Зорилго тавьж, түүндээ хүрэх арга
Нийтэлсэн хэрэглэгч: admin   2016 оны 12-р сарын 21. Лхагва гариг. asdf
Шинэ оны шинэ зорилго

Гадны сонин хэвлэл, интернет мэдээг уншиж байхад яг одоо хуучин онд юу болов, энэ нь ямар үр дүнтэй байв, үүнээс ямар сургамж авч шинэ онд юу хийх вэ гэдэг асуулт хамгийн халуухан сэдэв болжээ. 

Үүнээс бидэнд авууштай нь: 
- Хүн бүр өнгөрч буй оныг өөрийн ажил үйлсийн хувьд дүгнэж, шинэ онд юу хийхээ төлөвлөх нь зорилготой, ажил хэрэгчийн шинж. “Санаж явбал бүтнэ” гэж сайхан монгол үг бий. Зорилготой, түүнийхээ төлөө тэмцэх хүн л амжилтад хүрдэг. 

- Томчууд ингэж ажил, амьдралаа дүгнэн төлөвлөхөөс гадна үүнийг үр хүүхдүүддээ бүр жоохноос нь хэвшүүлж байна. Сургуулийн бага ангид ч “Миний ирэх оны төлөвлөгөө” сэдвээр ярилцаж, хичээл хийдэг. 
Ингэж том жижиггүй хүн бүр ирэх оны зорилгоо тодорхойлж, хэрэгжүүлэх нь хэрэгжүүлж, нэгээхэн хэсэг нь хүн болсон хойно болсонгүй ээ хэмээн суудаг. Ийм бүтэлгүйтэл бараг хэвшил болсон тул сэтгэл судлаач, мэргэжлийн хүмүүс ч энэ тал дээр анхаарч, ихээхэн зөвлөгөө өгдгөөс сонирхуулахад:

Бүтэх боломжтой зорилго тавь
Тавьсан зорилгодоо хүрч чадахгүй байх нь хэд хэдэн шалтгаантай. Нэг талаар хүмүүс тодорхойгүй, хэт ерөнхий зорилго тавьдаг. Эсвэл тавьсан зорилгууд нь хоорондоо харшилдах ч тохиолдол бий. Нөгөө талаар өөртөө хэт ахадсан зорилго тавьдаг. Жишээлбэл сард 10 кг турна гэдэг нь хэт хүнд зорилгоос гадна эрүүл мэндэд халтай. Тэгэхээр өөрийн хийж чадах, бүтэх боломжтой зорилгыг тавих хэрэгтэй.
Зорилгод хүрэх алхмаа дүгнэж байх
Зорилгодоо хүрэхийн тулд хийсэн болон хийгээгүй зүйлс, хүрсэн амжилт, бүтэлгүйтэл зэргийг тэмдэглэж байх нь санамсаргүй хийсэн, анзаарахгүй байсан зүйлээ мэдэхэд тусалж, амжилтад тань хөтөлнө. 

Нөөц хувилбартай байх
Хийх зүйлийг сануулж байх толин дээрх календар, сэрүүлэг зэрэг нь зорилгоо биелүүлэхэд тусална. Түүнчлэн хэрэв та 7 хоногт 3 удаа өглөөдөө гүйж байна гэсэн зорилго тавьсан бол цаг агаар муу үед шалтаглан залхуурч зорилгоосоо хазайлгүйгээр нөөц хувилбартай байх хэрэгтэй. Жишээ нь гадаа гарч гүйж болохгүй тул гэртээ дасгал хийнэ, фитнесс клуб явна гэх мэт. Үүнийг “Бэрхшээлийг даван туулах төлөвлөгөө” гэдэг. Хамгийн гол нь тохиолдож болох эрсдэл, бүтэлгүйтлийг тооцоолж, үүний эсрэг бэрхшээлийг даван туулах нөөц хувилбартай байх явдал юм.

Амжилтыг мэдрэх  
Зарим хүн хийгээд байгаа атал амжилтаа олж харалгүй “Ямар ч нэмэр алга, өөрчлөлт мэдрэгдэхгүй байна” гэдэг. Та календар худалдаж аваад орой бүр тэмдэглэл хөтөлж байвал ямар их зүйл өөрчлөгдөж байгааг мэдэрч гайхаж магад шүү.

Өөрийгөө урамшуул
Амжилтын гол хүч бол урамшуулал. Тиймээс зорилгодоо хүрэхийн тулд хийсэн алхам болгоныхоо дараа өөрийгөө урамшуулж бай. Дасгал хийсэн бол “бие минь хөнгөрч, эрүүл минь сайжирч байгаа даа” хэмээн баярла, гарч гүйсэн бол хэр хол гүйснээ харж “овоо шүү” хэмээн бод. Үүнийг хийлгүй гэртээ ялхайн суусан бол яах байсныг сана. Өөртөө бас урам өгөх хань татах хэрэгтэй. Ижил зорилготой найзтайгаа нийлж зүтгэх илүү урамтай, өрсөлдөөнтэй. Үр дүнд хүрч байвал өөрийгөө шагна.  

Санаж явах зүйл: Заримдаа хүн өөрийн доторх залхуугийн туйлд ялагддаг ч түүндээ байнга бүү захирагд!

Ингээд танд шинэ онд тань санасандаа хүрэх амжилтыг хүсье.

Г.Ариунцэцэг
    

Сурталчилгаа

Хэрэглэгчийн нийтлэл

 
сайн бна уу?
2017 оны 5-р сарын 5. Баасан гариг.
ээзгий
2017 оны 4-р сарын 30. Ням гариг.
Орхон аймаг 2 цэцэрлэгийн багш С.Гүндэгмаа "Амьтад урлая" технологи
2017 оны 4-р сарын 30. Ням гариг.
өжуцаөжц
2017 оны 4-р сарын 23. Ням гариг.
сурган хүмүүжүүлэх арга
2017 оны 4-р сарын 14. Баасан гариг.
ишигhttp://www.davalgaa.mn/Modules/Scandal/shag.aspx
2017 оны 4-р сарын 9. Ням гариг.
Mr.
2017 оны 3-р сарын 30. Пүрэв гариг.
Ааднаас доор ээж
2017 оны 3-р сарын 6. Даваа гариг.

Хэрэглэгчийн хандалт

Онлайн хэрэглэгч 73
Өнөөдөр 1918
Өчигдөр 1844
Энэ 7 хоногт 7378
Энэ сард 36386
Өнгөрсөн сард 42960
Нийт зочилсон 4713592

Сүүлийн сэтгэгдлүүд

     
    admin
    Энэ Монсудар хэвлэлийн газрын хэрэглэгдэхүүн. Интерномд бгаа байх. Үгү...
    аааа
    энэ байгаа юу хаяг нь яг хаана вэ
    muugii
    heregtei medeelel baina
    Зочин
    Sin54 нь алтан харьцааны хагастай тэнцүү
    энхтуяа
    мундаг багш нартаа ажлын амжилт хүсье